Neymar nuk është më lojtar i kampionit saudit Al Hilal, njoftoi klubi. Kontrata mes dy palëve është shkëputur me pëlqim të dyanshëm.

Kjo do të thotë se të gjitha pengesat për kthimin e magjistarit brazilian në vendlindjen e tij Santos janë zhdukur dhe shumë shpejt Ney do të luajë sërish në Brazil.

Ish-lojtari i Barcelonës dhe Santos pritet që së shpejti t’i nënshtrohet ekzaminimeve mjekësore dhe të prezantohet nga Santos.

Synimi i madh i Neymar është të bëjë debutimin e tij të dytë për “Peiçe” në ditëlindjen e tij të 33-të, më 5 shkurt, në shtëpi kundër Botafogo-SP.

/GazetaBlic Sport