Klubet e Premier League kanë miratuar njëzëri përdorimin e teknologjisë gjysmë të automatizuar offside (SAOT) për sezonin 2024-25.

Top liga angleze do të përdorë të njëjtat kamera dhe softuer që përdor UEFA në Champions League për meshkuj. Kjo është paksa e ndryshme nga teknologjia që ka përdorur FIFA, ku një top ndeshjeje me një çip brenda ofron një sërë të dhënash.

Premier League konfirmoi në një deklaratë se beson se SAOT do të jetë gati për t’u përdorur nga edicioni i ardhshëm.

Premier League beson se përdorimi i SAOT do të kursejë rreth 30 sekonda për çdo vendim. Prezantimi i tij do t’i japë fund situatave ku loja vazhdon pas një pozicioni të mundshëm jashtë loje, sepse gjyqtarët ndihmës janë udhëzuar të mbajnë flamujt e tyre të ulur, derisa të përfundojë aksioni.

Në vend të kësaj, gjyqtarët ndihmës do të kenë një zë në kufjen e tyre që i informon ata për vendimin gjysmë të automatizuar jashtë loje dhe mund të ngrenë flamurin e tyre menjëherë.

/GazetaBlic Sport