Futbollisti italian Federico Chiesa nuk do të luajë për Liverpoolin në Ligën e Kampionëve pasi nuk u përfshi në listën për garën më elitare të klubeve.

Anësori nuk u përfshi në skuadrën prej 22 lojtarësh të Liverpoolit për turneun, që do të thotë se Arne Slot nuk do të mbështetet në shërbimet e tij këtë sezon.

Chiesa ka të ngjarë të shitet nga Liverpooli gjatë afatit kalimtar të dimrit, duke marrë parasysh që Merseysiders e forcuan ndjeshëm ofensivën e tyre këtë verë.

Chiesa ka qenë pjesë e të tre ndeshjeve të Premier League që nga fillimi i sezonit dhe shënoi një gol në xhiron e parë kundër Bournemouth në një fitore 4-2.

/GazetaBlic Sport