Sulmuesi kosovar, Astrit Berisha ka rinovuar kontratën e tij me skuadrën e sapo promovuar në Superligë, Prishtina e Re.
Berisha ishte më meritori për inkuadrimin në Superligë, pasi realizoi 27 gola dhe 10 asistime në Ligën e Parë edicionin e kaluar, shkruan GazetaBlic Sport.
Klubi njoftoi për rinovimin e kontratës së Berishës me një postim në rrjetin social, Facebook.
Ja njoftimi:
“Astrit Berisha vazhdon me KF Prishtina e Re!
KF Prishtina e Re njofton me kënaqësi vazhdimin e bashkëpunimit me Astrit Berishën, sulmuesin 28-vjeçar i cili shkëlqeu në sezonin e fundit me fanellën bardhekaltër.
Me 27 gola dhe 10 asistime, Astriti udhëheqi skuadrën drejt një sezoni të jashtëzakonshëm që kulmoi me promovimin në Superligën e Kosovës.
Instinkti i tij për gol, qetësia në momente vendimtare dhe lidershipi në fushë e bëjnë Berishën një nga profilet më të rëndësishme në vazhdimësinë e projektit tonë.
Bomberi ynë është gati për Superligë”, shkruhet në njoftim.
/GazetaBlic Sport
