FC Prishtina ka njoftuar se Arsim Thaqi është trajneri i ri i ekipit kryeqytetas.

Thaqi do të jetë trajner i Prishtinës deri në fundin e këtij sezoni, përcjell GazetaBlic Sport.

Ja njoftimi i klubit:

“Arsim Thaqi merr timonin e FC Prishtinës

Trajneri me përvojë në futbollin e Kosovës, Arsim Thaqi do ti udhëheqë “bardhë e kaltërit” deri në fund të këtij sezoni.

53 vjeçari kishte qenë pjesë e Prishtinës në të kaluarën si trajner dhe si drejtor sportiv. Stafit të trajnerëve të ekipit i është bashkuar edhe Blerim Bunjaku.

Sfida e parë për trajnerin Thaqi do të jetë të mërkurën ndaj Dritës në kuadër të gjysmëfinales së Kupes së Kosovës”, shkruhet në njoftimin e klubit.