Manchester City ka bërë një njoftim të rëndësishëm transferimi, duke njoftuar nënshkrimin e yllit të Bournemouth, Antoine Semenyo.

Futbollisti 26-vjeçar nënshkroi një kontratë me “qytetarët” për pesë vjet e gjysmë, e cila do ta mbajë atë në stadiumin Etihad deri në verën e vitit 2031.

Sipas informacioneve jozyrtare, shuma që Bournemouth do të marrë për lojtarin e saj kryesor është 72 milionë euro.

Semenyo ka shënuar 10 gola dhe ka dhënë tre asiste në 21 paraqitje për Bournemouth në të gjitha garat deri më tani këtë sezon. Ganezi tani do të veshë fanellën me numër 42, të cilën dikur e mbante Yaya Toure.

/GazetaBlic Sport/