Ajax ka nënshkruar me Maximilian Ibrahimovic, djalin e legjendarit Zlatan Ibrahimovic, në huazim nga AC Milan deri në fund të sezonit.

Deklarata e klubit italian thotë: “AC Milan mund të konfirmojë se Maximilian Zlatan Seger Ibrahimovic është bashkuar me AFC Ajax në huazim, me një opsion për ta bërë marrëveshjen të përhershme.

“Klubi dëshiron t’i urojë Maximilian gjithë të mirat për pjesën e mbetur të sezonit.”

Anësori 19-vjeçar suedez ka qenë në formë të shkëlqyer për Milan Futuro (ekipi rezervë) këtë sezon, duke shënuar pesë gola dhe katër asiste.

Do të jetë interesante të shihet nëse koha e Maximilian do të ndahet midis ekipit të parë të Ajax dhe Jong Ajax, ekipit rezervë të gjigantit të Amsterdamit.

/GazetaBlic Sport