Mesfushori i Real Sociedadit, Martin Zubimendi, do t’i nënshtrohet vizitave mjekësore në ditët në vijim përpara se të bashkohet zyrtarisht me Arsenalin.

Burime të informuara mirë i kanë konfirmuar BBC Sport se të gjitha dokumentet që lidhen me transferimin e lojtarit spanjoll në Emirates janë nënshkruar dhe marrëveshja po hyn në fazat e saj të fundit.

Transferimi varet nga kalimi me sukses i ekzaminimeve mjekësore, të cilat Arsenali është në proces të organizimit.

Të gjitha palët janë të qeta në lidhje me caktimin e ekzaminimeve mjekësore, por ekziston dëshira që formalitetet e marrëveshjes të përfundojnë shpejt.

Klauzola e lirimit të Subimendit është 51 milionë euro paund, me të gjitha strukturat e pagesave midis baskëve dhe “Topçinjve” të dakorduara tashmë.

/GazetaBlic Sport/