Cool

Zhytet në det dhe gjen diamantin 2 karatësh

08/08/2022 09:31
nga:G B

Një zhytës në Queensland të Australisë është me të vërtetë me fat, pasi gjatë një zhytje në shkëmbin koralor, ai gjeti një diamant 2 karatësh.

Burri, duke qenë se u hodh nga një anije krocierë, informoi pasagjerët se kishte gjetur diçka të vyer dhe nëse ata do ta përshkruanin atë se çfarë ishte, ai do t’ua kthente.

Pas 10 ditësh në anije, askush nuk u paraqit për pronësinë e gurit të çmuar dhe për këtë arsye ai e mbajti për vete diamantin që kushtonte 100 mijë dollarë. Zhytësi i quajtur Stuart tregon se diamanti i solli fat, pasi më pas ai fitoi dhe 11 mijë dollarë në lotari.

Rikujtojmë, se një diamant i rrallë rozë, me peshë 34 gram, mendohet të jetë më i madhi i zbuluar në 300 vitet e fundit.

Guri 170 karatësh ka marrë emrin “Trëndafili Lulo”, sipas minierës në Angola ku u gjet. Besohet të jetë diamanti më i madh rozë i nxjerrë që nga Daria-i-Noor 185 karatësh, i cili tani është një ndër bizhuteritë e kurorës iraniane. Trëndafili Lulo është një diamant i tipit 2a, që do të thotë se ka pak ose aspak papastërti.

Ndërkaq, duke mposhtur rekordin e mëparshëm më të mirë prej 12,638 diamante në një unazë të vetme, të vendosur nga argjendari me bazë në Meerut, Harshit Bansal në vitin 2020, një ekspozitë bizhuterish me bazë në Kerala ka thyer rekordin me 24,697 diamante të vendosura në një unazë në formë kërpudhe. Unaza e quajtur “The Marigold” ka formën e një lule kumak.