Mbrëmë ishte një natë me emocione të përziera për Yunus Musah në Santiago Bernabeu në ndeshjen e fituar nga Milani kundër Real Madridit.

Mesfushori amerikan ishte lëvizja befasuese e Paulo Fonseca dhe u përgjigj me një paraqitje fantastike në fushë. Megjithatë, në të njëjtën kohë, zemra e Musah u nda dhe mendimet e tij u kthyen te Valencia, një qytet i shkatërruar nga një përmbytje dramatike ku mesfushori luajti para se të mbërrinte në Milano.

“Mbi futbollin dhe gjithçka tjetër sot dua t’i dërgoj një mesazh force dhe inkurajimi Valencias. Një vend dhe një klub që unë e mbaj në zemër dhe që po kaloj një situatë shumë të komplikuar, ju keni gjithë mbështetjen time dhe ne do të kthehemi më të fortë. E fituam bashkë ndeshjen”, shkroi Musah në Instagram.

/GazetaBlic Sport