Me 21 prill u mbajt procesi i votimit në katër komunat veriore.
Ky proces dështoi për shkak të pjesmarrjes shumë të ulët të qytetarëve në votime.
Kjo erdhi për shkak të thirrjeve të Listës Serbe për bojkot.
Në lidhje me situatën e krijuar dhe si duhet të veprohet tutje ka folur për “Gazeta Blic” gazetari serb nga Mitrovica e Veriut, Branislav Krstic.
Krstic tha se e gjitha kjo që po ndodh është pjesë e zbatimit të planit të Grupit të Menaxhimit të Konflikteve për Kosovën.
Ai tha se Lista Serbe po vazhdon të veprojë si partnere e qeverisë së Kosovës.
“E gjithë kjo është pjesë e zbatimit të planit të Grupit të Menaxhimit të Konflikteve për Kosovën. Duhet pyetur Prishtina zyrtare për kë janë shpallur zgjedhjet, për qytetarët apo për pushtetin? Në anën tjetër, Lista Srpska vazhdon të veprojë si partnere e qeverisë së Kosovës. Ai nis një peticion dhe më pas bën thirrje për bojkot”
Ai potencon se “çështja e të gjitha pyetjeve është nëse Qeveria e Kosovës dhe Lista Serbe duan që Asociacioni të zbatohet nga kryetarët jolegjitimë”
“Çështja e të gjitha pyetjeve është nëse Qeveria e Kosovës dhe Lista Serbe duan që Asociacioni të zbatohet nga kryetarët jolegjitimë të komunave në veri të Kosovës. A ka mundësi që me një axhendë të tillë ata të ishin në një pozitë ku edhe Vuçiq edhe Kurti do ta shpallnin themelimin e shoqatës si fitore të politikave të tyre” deklaroi Krstic për “Gazeta Blic”.
Në këtë proces votuan vetëm 265 qytetarë nga komunat veriore.
Votimi u konsiderua i dështuar nga ana e Komisionit Qendror të Zgjedhjeve pasi që aty nuk morën pjesë 50+1 përqind e qytetarëve me të drejtë vote.
Nga Bashkimi Evropian kanë deklaruar se rezultati i votimit në veri nuk kontribuon në uljen e tensioneve.
“Më 12 dhjetor 2023, Këshilli bëri thirrje që zgjedhjet e parakohshme në veri të Kosovës të mbahen sa më shpejt dhe që serbët e Kosovës të marrin pjesë në mënyrë aktive, pa asnjë parakusht. Kosova ka mundësuar mundësinë e hapjes së zgjedhjeve të reja lokale përmes votimit për kthimin e kryetarëve të komunave. Ndërkohë që organizimi i votimit të tërheqjes nuk ishte i lirë nga sfidat (duke përfshirë risitë si instalimi i kamerave të sigurisë), procesi lejoi organizimin e votimit të tërheqjes. Vendimi i partive politike që përfaqësojnë serbët e Kosovës në veri për t’u tërhequr nga procesi dhe për të bërë thirrje për bojkot rezultoi në një sërë vështirësish, duke përfshirë krijimin e disa komisioneve të qendrave të votimit pa asnjë anëtar serb të Kosovës. Po ashtu, vendimi i drejtorëve të shkollave me planprogram serb në veri të Kosovës për të mos lejuar përdorimin e shkollave si vendvotime, disa ditë para ditës së votimit, ka krijuar sfida serioze për Komisionin Qendror të Zgjedhjeve. Kjo gjithashtu pengoi qasjen e qytetarëve në informacione të sakta për vendndodhjet e reja të vendvotimeve”, thuhet në përgjigjen e BE-së për “Gazeta Blic”.
/Gazeta Blic/
