Azdren Shala nga PSD-ja thotë se partitë opozitare janë në garë për t’iu bashkuar Albin Kurtit në zgjedhjet e ardhshme nacionale.
Shala për GazetaBlic thotë se kjo vërtetohet tek kundërshtimet që këta liderë opozitar i bëjnë, karshi vendimeve të kryeministrit.
“PSD beson që Kurti ka me pasë nevojë për një partner koalicioni. Nëse e lexojmë situatën pak mes rreshtash, edhe LDK-ja e Lumir Abdixhikut edhe PDK-ja e Memli Krasniqit, edhe Aleanca e Ramush Haradinajt janë në garë se cila me u bë me Albin Kurtin”, tha Shala.
“Ky kundërshtim gjoja që po ja bëjnë është veprim i tyre i dështuar për me ia rritë pak vlerën vetës me një pazar të mundshëm paraelektorial”, shtoi ai.
Sipas PSD, Albin Kurti e ka vështirë t’i afrohet rezultatit që kishte pasë në zgjedhjet e fundit.
“Një parti sigurisht që do të jetë sepse Albin Kurtit i duhet një parti me qenë në qeverisje, ku për gjykimin e PSD-së nuk ka me arritë më atë 51%”, tha Shala për GazetaBlic.
LAJMI I FUNDIT: Zgjedhjet e ardhshme nacionale, Haradinaj e Limaj bashkojnë forcat
Jabllanoviq: Peticioni është lojë e Albin Kurtit, kriza në veri do të thellohet edhe më shumë
Krstic: Lista Serbe po manipulon me serbët në Kosovë, iu bën presion për nënshkrim të peticionit