Ish-ministri i Shëndetësisë Armend Zemaj ka folur në lidhje me menaxhimin e pandemisë nga ana e Qeverisë Kurti, reciprocitetin me targa ndaj automjeteve nga Serbia dhe se ku do të jetë LDK pas zgjedhjeve lokale të 17 tetorit.

Deputeti Zemaj ka kritikuar Kurtin e Vitinë duke thënë se ata nuk kanë menaxhuar me pandeminë.

Madje ai tha se ministri i Shëndetësisë, Arben Vitia po i ik përgjegjësisë dhe nuk po flet për kaosin që po ndodh në sektorin e tij edhe me gjithë rritjen e numrit të rasteve të infektuar me COVID-19 dhe personave që kanë vdekur së fundi nga ky virus.

“Mos-përgjegjësia, keq-menaxhimi, apo mos-menaxhimi i tërësishëm pothuajse është hequr dorë nga menaxhimi i pandemisë dhe janë marrë me situata tjera”, tha Zemaj në “Përballje”.

Zemaj ka potencuar se në kohën kur rriteshin rastet pozitive me COVID-19, ministri Vitia ka liruar masat antiCOVID duke mos përshtatur ato me nevojat e shoqërisë si vaksinimi dhe parandalimi.

“Jo që ka keq-menaxhuar, por nuk ka menaxhuar fare, dhe tregues i kësaj janë masat, ku nga 7 deri më 12 gusht ka pas rritje të infeksionit, ku me 12 gusht janë bërë lirimi i masave, ku kemi fatkeqësisht një numër të madh të vdjekeve”, tha Zemaj.

Ai u shpreh se vet ministri Vitia e kishte kritikuar për punësimin e punonjësve shëndetësor shtesë, por që dy muaj më vonë e bëri të njëjtën thirrje vet.

“I vetmi ministri i Shëndetësisë, nën petkun e të ashtuquajturit mjek më ka akuzuar që i kam shti në punë më tepër se 1 mijë e 500 mjek, dy muaj apo tre mbrapa ka dal me thirrje e konkurs enorm, amon a ka mjek e infermier akoma për të menaxhuar në procesin e pandemisë”, tha Zemaj.

Ish-ministri Zemaj u shpreh se kjo deklaratë është kontradiktore, e siç tha ai nëse ministri i Shëndetësisë, Arben Vitia do të ishte specialist ai do ta punësonte kur nëpër spitale kishte nevojë për mjek.

“Kjo është kontradikta, këtu nuk është gjë e vullnetit, me më vjen mirë për këtë, unë edhe dy mijë punonjës shëndetësor me i pas unë i kisha punësu, unë kam mendu që është specialist i papunë, edhe këtë e kisha punësu, por nuk e kish pas kry specializimin se 161 i patëm punësu në mandatin tim”, tha Zemaj.

Sa i përket raportimit në Komisionin për Shëndetësi, Zemaj kritikoi ministrin Vitia që ishte paraqitur vetëm për raportim dhe nuk sqaroi asgjë në lidhje me rritjen rasteve e nuk mori përgjegjësi për vdekjet e shumta nga COVID-19 kohëve të fundit.

“Ministri sot u paraqit i vetëm, me arsyetimin që nuk më keni kërkuar të kem me vete edhe përfaqësues të IKSHPK-së e SHSKUK-në”, tha Zemaj.

Ndryshe, Zemaj tutje foli edhe për vendimin për reciprocitet në targa me Serbinë dhe zgjedhjet lokale 2021.