Edon Zhegrova ka bërë një transferim të madh tek skuadra e Juventus.

Sulmuesi kosovar do të veshë fanellën e skuadrës së madhe italiane, duke bërë një lëvizje të madhe në karrierën e tij.

Zhegrova ka firmosur kontratë deri në qershor 2030 dhe konsiderohet si një nga afrimet më të rëndësishme të Juventusit në këtë afat kalimtar.

Njëri ndër trajnerët e tij të parë në Kosovë, Gazmend Haliti, tha se u emocionua shumë me transferimin e Edonit dhe sukseset e vazhdueshme që po arrin në karrierë.

Haliti tha se pret që Zhegrova të ambientohet mirë në Serie A dhe të tregojë vlerat e tij, duke theksuar që invidiualisht ka qenë gjithmonë në nivel të lartë.

Krejt në fund, ai tha se nga përfitimet që kanë skuadrat kosovare nga shitja e Zhegrovës, duhet të përfitojnë edhe ish trajnerët e tij, gjë e cila nuk po ndodh.

Ai tha se pret që Prishtina të veprojë dhe të shpërblejë financiarisht trajnerët e tillë, sepse do të ishte stimulim për të nxjerrur edhe talentë të tjerë në të ardhmen.

/GazetaBlic Sport/