Që nga transferimi i tij nga FC Basel, Leon Avdullahu është njëri nga mesfushorët më të qëndrueshëm dhe më bindës në Bundesligë.

Rritja e tij e shpejtë ka tërhequr vëmendjen e klubeve kryesore evropiane, duke e bërë atë një objektiv kryesor në tregun e transferimeve, transmeton GazetaBlic Sport.

Sipas raportimeve, drejtuesit e Hoffenheimit janë jashtëzakonisht të kënaqur me ndikimin e Avdullahut dhe aktualisht po refuzojnë të gjitha ofertat e ardhura.

Pas transferimit të tij për vetëm 8 milionë euro, vlera e tij në treg është rritur me shpejtësi. Hoffenheim thuhet se tani po kërkon një shumë mes 35 dhe 45 milionë eurove, nga një shitje e tij e mundshme.

Raportohet se AC Milan dhe Tottenham janë dy skuadrat e mëdha evropiane që kanë shfaqur interesim për të, me Avdullahun që pritet të jetë subjekt i merkatos së verës.

/GazetaBlic Sport/