Kevin Campbell, një ish sulmues anglez që luajti për Arsenalin midis viteve 1990 dhe 1995 (228 ndeshje, 48 gola), beson se nënshkrimi i Renato Sanches do të ishte zgjidhja që Mikel Arteta të përballet me problemet e ekipit në mesfushë.

“Mendoj se do të ishte një nënshkrim i mirë. Ai ka pasur disa lëndime, por është ende i ri dhe është shumë i fuqishëm në mesfushë – ai rikuperon topat, vrapon, gjuan dhe krijon mundësi. Të kesh një lojtar si ai në mesfushë mund të bëjë ndryshim”, tha Campbell, tani 51 vjeç, për Football Insider, përcjell GazetaBlic Sport.

Vështirësitë që ndjeu Arsenali në ndeshjen kundër Liverpool-it (humbja 0-4) shërbyen si shembull për të justifikuar rëndësinë e transferimit të një lojtari si Renato Sanches: “Do të sillte përvojën që skuadrës i nevojitet aq shumë në atë pozicion”.

/GazetaBlic Sport/