Jurgen Kloppit iu dha Urdhri Gjerman i Meritës, në shenjë mirënjohjeje për “imazhin pozitiv dhe përkushtimin ndaj vlerave të demokracisë”.
Trajneri 57-vjeçar, pa klub pasi u largua nga Liverpooli me vullnetin e tij të lirë, mori çmimin më të lartë civil në vend nga presidenti gjerman Frank-Walter Steinmeier, transmeton GazetaBlic Sport.
Presidenca e justifikoi dorëzimin me përkushtimin e Klopp-it për demokracinë dhe se “i kishte udhëhequr ekipet e tij drejt fitoreve dhe titujve të panumërt, ndërkohë që suksesi dhe fama nuk e penguan kurrë që t’i kushtonte vëmendje çdo sportisti individual dhe t’i shihte ata si njerëz”.
“Në Liverpool, gjermani më i njohur në Mbretërinë e Bashkuar kontribuoi në mënyrë të vendosur në krijimin e një imazhi pozitiv të vendit tonë. Jurgen Klopp ka qenë gjithmonë i përkushtuar shoqëror”, deklaroi kreu i shtetit, në ceremoninë që u zhvillua në kështjellën Bellevue, në Berlin, ku nderoi 27 qytetarë të tjerë në Ditën e Unitetit Gjerman.
🚨 Jürgen Klopp has received the Order of Merit of the Federal Republic of Germany by President Frank-Walter Steinmeier for his achievements for the image of Germany abroad 👏 🇩🇪 pic.twitter.com/tFKAz2OHEw
— Anything Liverpool (@AnythingLFC_) October 1, 2024
