Xavi Hernandez argumentoi se nuk ka favorit për El Clasicon e kësaj të diele , duke folur për një Barcelonë të motivuar për finalen e Superkupës së Spanjës me Real Madridin, në stadiumin Al-Awwal Park, në Riad të Arabisë Saudite.

“Skuadra është shumë e motivuar, e emocionuar, një finale dhe klasike. Kemi ardhur pak më pak në formë se Reali, duhet të jemi të sinqertë, por kur topi fillon të rrotullohet, nuk ka favorit. Duhet ta shijoni. Jemi aty ku donim të ishim, në finalen e parë të titullit këtë sezon”, tha fillimisht ai, përcjell GazetaBlic Sport.

“Kam ndjenjën se Real Madridi është më i fortë kur Barcelona është më e fortë. Që kur kam qenë në detyrë, sa herë që kemi fituar një titull, na është dashur të kalojmë përmes Real Madridit. Ata reagojnë kur shohin një Barçë të fortë. Gjithçka është e balancuar, edhe në lidhje me titujt. Vitin e kaluar morëm dy, këtë vit po luftojmë për këtë. Ata janë më të fortë kur ne jemi më të fortë”, ka analizuar ai.

Kur u pyet për një fitore pavarësisht nga një paraqitje e mirë, ai ishte i bindur: “Kur ka fituar Barcelona pa e merituar? Ka ndodhur e kundërta, ne luajtëm mirë dhe nuk fituam. Duhet të luajmë mirë, të kemi posedimin e topit dhe të ndjekim lojën tonë … ideja nuk ndryshon.”

/GazetaBlic Sport/