Pas disa vitesh në të cilat shkëlqenin së bashku në mesfushë për Barcelonën dhe kombëtaren spanjolle, Xavi dhe Iniesta do të luajnë sërish bashkë.

Në orët e para të kësaj të diele, një ekip legjendash Blaugrana do të përballet me një formacion plot lavdi të dikurshme të Real Madridit , në stadiumin Ajinomoto, në Tokio, transmeton GazetaBlic Sport.

Iniesta doli në pension në fund të sezonit të kaluar, në moshën 40-vjeçare dhe do të veshë sërish fanellën e Barcelonës, përkrah ish-trajnerit të Blaugranas, Xavi, i cili vendosi të pushojë dhe aktualisht është pa klub.

Legjendat e Barcelonës do të drejtohen nga Albert Ferrer dhe do të ketë një kastë lojtarësh të rëndësishëm, përveç Iniesta dhe Xavi, si Rafa Marquez, Angoy, Guzman, Roger Garcia, Dehu, Ferron, Sergi Barjuan, Fernando Navarro, Trashorras, Mendieta, Giuly, Nolito, Rivaldo, Marc Valiente dhe Saviola.

Real Madridi, i drejtuar nga Jose Antonio Camacho, do të ketë Iker Casillas, Buyo, Contreras, Roberto Carlos, Cannavaro, Milla, Tebar, Batista, McManaman, Kongo, Amavisca, Savio, Ivan Campo, Agus, Raul Bravo, Karembeu, Fernando Sanz, Munitis dhe Balboa.

/GazetaBlic Sport/