Wanda Nara zgjedh ta turpërojë publikisht aktoren argjentinase China Suarez.

Kjo e fundit pati një flirt me bashkëshortin e Wandës, sulmuesin Mauro Icardi, duke bërë që çifti të kalonte një krizë për disa ditë, por më pas iu rikthyen normalitetit.

Megjithatë pak ditë më parë Wanda fluturoi drejt Argjentinës për disa aktivitete promocionale dhe la Mauron vetëm në Paris, ndaj China përfitoi nga rasti për t’i shkruar sërish sulmuesit e për t’i kërkuar një takim në kryeqytetin francez.

Nuk dihet se si biseda mes saj dhe Mauro Icardit ka përfunduar në telefonin e Wandës, por kjo e fundit këtë herë ka zgjedhur Instagramin për të publikuar foton dhe në të njëjtën kohë për të denigruar sadopak figurën e aktores argjentinase.