Kryetari i Komunës së Podujevës, Shpejtim Bulliqi, i ka mbledhur drejtorët e rinj të komunës, duke i prezantuar emrat e tyre me publikun, raporton Gazeta Blic.

Bulliqi ka bërë të ditur emrat e udhëheqësve të dikastereve komunale në Podujevë, teksa u zotua për punë në të mirë të komunës dhe qytetarëve të saj.

Dy nga drejtoritë e Komunës së Podujevës, do t’i takojnë Partisë Demokratike të Kosovës, krahas edhe kryesuesi i Kuvendit Komunal.

Shkrimi i plotë nga Shpejtim Bulliqi:

Të dashur qytetarë të Podujevës,
Sot kemi mbajtur takimin e parë të Bordit të Drejtorëve, në të cilin kemi folur për punët e mëdha, projektet dhe detyrat që i kemi para vetës.

Zotimet që i kemi dhënë para qytetarëve, do të jenë edhe puna e përditshme e jona.
Si qeverisje lokake do t’ju qëndrojmë pranë atyre që kanë më së shumti nevojë, do të jemi të hapur, bashkëpunues e transparent me qytetarët, shoqërinë civile e mediat.

Ekipi me të cilin do të punoj në katër vitet e ardhshme është ky:
Nënkryetare e Komunës: Marigona Lahu
Drejtore e Drejtorisë së Administratës: Antoneta Ejupi
Drejtor i Drejtorisë për Buxhet dhe Financa: Fatlum Osmani
Drejtor i Drejtorisë së Arsimit: Avni Fetahu
Drejtor i Drejtorisë së Shëndetësisë dhe Mirëqenies Sociale: Driton Veliu
Drejtor i Drejtorisë së Shërbimeve Publike, Mbrojtje dhe Shpëtim: Bahri Selimi
Drejtore e Drejtorisë së Pronë, Kadastër dhe Gjeodezi: Bahrie
Shatrolli Mehmeti
Drejtor i Drejtorisë së Bujqësisë, Pylltarisë dhe Zhvillimit Rural: Fatmir Rudari
Drejtor i Drejtorisë së Inspeksionit: Besnik Mulliqi
Drejtor i Drejtorisë për Kulturë, Rini dhe Sport: Pajtim Balaj
Drejtor i Drejtorisë për Planifikim dhe Zhvillim Ekonomik: Vigan Salihu
Ekzekutivi shpejt do të plotësohet edhe me drejtorin e Drejtorisë për Planifikim Urban dhe Mbrojtje e Mjedisit.
Na priftë e mbara!