Presidentja e Kosovës Vjosa Osmani ka reaguar pas dhunës që ka ndodhur gjatë ditës së sotme në Kuvendin e Kosovës, shkruan Gazeta Blic.
Osmani ka thënë se ajo çfarë ka ndodhur në Kuvend është dëmi më I madh që mund t`i bëhet ndonjëherë institucioneve të të vendit.
“Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sacrifice”, ka thënë ndër të tjera ajo.
Reagimi i plotë:
Reagimi i plotë:
Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë.
Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik.
Duhet ta riafirmojmë përkushtimin tonë ndaj demokracisë, mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit.
