Presidentja e Kosovës, Vjosa Osmani ia ka dhuruar bashkëshortes së Agim Ramadanit kopjen e dekoratës “Urdhri Hero i Kosovës”.

Medalja e parë ishte humbur, ndërsa sipas legjislacionit në fuqi, presidenti i Kosovës gëzon mundësinë që ta ridorëzojë, përcjell GazetaBlic.

Më poshtë edhe njoftimi i plotë:

Familjes së heroit të kombit, Agim Ramadanit, veprimtarit e luftëtarit të paepur për lirinë dhe pavarësinë e Kosovës, ia dorëzuam kopjen e dekoratës “Urdhri Hero i Kosovës”, të cilën ia kishte ndarë presidenti historik i Kosovës, dr. Ibrahim Rugova, e të cilën më 19 prill 2009 ia kishte dorëzuar presidenti Fatmir Sejdiu. Fatkeqësisht, medalja ishte humbur pa fajin e familjes dhe legjislacioni aktual lejon që ajo të ridorëzohet në raste të tilla.
Agim Ramadani është njëri ndër komandantët më të shquar të Ushtrisë Çlirimtare të Kosovës, i cili në betejën e Koshares e theu kufirin i cili i ndante shqiptarët dhe e krijoi shpresën për çlirimin përfundimtar të Kosovës.
Duke ia dorëzuar këtë dekoratë familjes së heroit Ramadani ne e ritreguam kujdesin e institucioneve të vendit ndaj atyre që me heroizmin e tyre na mundësuan ta preknim lirinë, por edhe ndaj familjeve të tyre. Ky kujdes do të jetë i vazhdueshëm.

LEXO EDHE:

Kryeministri Kurti konfirmon pjesëmarrjen në Samitin e Prespës

/GazetaBlic/