Presidentja e Kosovës, Vjosa Osmani, dekoroi Michael Roth, kryetar i komisionit për punë të jashtme në Bundestagun gjerman, me Medaljen Presidenciale të Meritave në një ceremoni në Berlin, raporton GazetaBlic.

Osmani e vlerësoi Roth për angazhimin e tij të palodhur në mbështetje të Kosovës dhe afrimin e marrëdhënieve mes Kosovës dhe Gjermanisë, duke theksuar se suksesi i Kosovës ka qenë gjithmonë më i fortë falë miqve që besojnë në demokraci dhe liri.

Postimi i plotë:

Si një mbrojtës i palëkundur i së ardhmes së Kosovës në BE dhe një zë që ka pasqyruar vazhdimisht aspiratat tona në skenën ndërkombëtare, sonte në Berlin dekorova Michael Roth me Medaljen Presidenciale të Meritave—një simbol mirënjohjeje nga populli i Kosovës.

Suksesi i Kosovës ka qenë gjithmonë më i fortë falë miqve që qëndrojnë pranë nesh—atyre që besojnë në demokraci, liri dhe në vendin tonë të merituar në familjen evropiane. Për mbrojtje të këtyre vlerave, Michael Roth, kryetar aktual i komisionit për punë të jashtme në Bundestagun gjerman e ish ministër, punoi përgjate 27 viteve të angazhimit të tij politik.

Faleminderit, z. Roth, për përkushtimin tuaj të palodhur në afrimin e dy vendeve tona dhe angazhimin për thellimin e bashkëpunimit bilateral. 🇽🇰🇩🇪