Kandidati i VV-së për Ferizaj, Valon Ramadani ka uruar kundërkandidatin e tij, Agim Aliun për fitoren në Ferizaj.

Ramadani përmes një postimi në rrjetin social “Facebook”, ka uruar Agim Aliun, duke thënë se kështu ka vendosur sovrani, përcjell GazetaBlic.

Më poshtë edhe postimi i plotë.

Votuesit e Komunës së Ferizajit kanë vendosur t’ia vazhdojnë edhe një mandat Agim Aliut. E uroj për fitoren.
Ende vazhdon procesi i numërimit dhe komisionerët e vëzhguesit, bashkë me të gjithë ne, do ta vazhdojmë punën që të garantohet secila votë.
Falënderoj çdo votues, dhe mirënjohje nga zemra për të gjithë aktivistët e mbështetësit që kanë dhënë maksimumin në fushatë. Vazhdojmë punën kudo ku jemi, në Asamble Komunale apo në Kuvend të Kosovës, në struktura partiake e shoqërore, për ta bërë më të mirën për shtetin, komunën dhe qytetarët.

/GazetaBlic/