Vetëvendosje e ka nisur zyrtarisht fushatën elektorale në Prishtinë.

“E filluam në shesh e prej sot do jemi në çdo fshat e lagje, në çdo rrugë të Prishtinës duke ofruar alternativën tonë për Kryeqytetin”, ka shkruar kandidati i VV-së për kryetar të Prishtinës, Arben Vitia.

Postimi i plotë:

Përmes ekpozimit të pjesës më të madhe të programit tonë në sheshin “Nënë Tereza”, sot hapëm zyrtarisht fushatën tonë për Prishtinën.

E filluam në shesh e prej sot do jemi në çdo fshat e lagje, në çdo rrugë të Prishtinës duke ofruar alternativën tonë për Kryeqytetin.

Kryeqyteti është integrimi mes natyrës dhe kulturës, mes informimit dhe shërbimit, mes qytetit dhe fshatit, si tërësia organike e jetës tonë të përditshme.

Ecim bashkë përmes programit tonë nëpër Prishtinën e jetueshme.

Me 14 nëntor, votojmë numrin 144.

Bashkë qeverisim për Prishtinën