Ministrave të Qeverisë Kurti II nuk po u ecë mbarë me njoftimet në rrjete sociale për takime më zyrtarë të huaj.
Pas ministres së Punëve të Jashtme, Donika Gërvalla, e cila në disa raste ka ngatërruar flamujt e shteteve, të njëjtin gabim sot e ka bërë edhe ministrja e Arsimit e Kosovës, Arbërie Nagavci.
Në një njoftim në “twitter” për takimin me homologun e saj austriak, Heinz Faßmann, në vend të flamurit austriak e ka vendosur atë të Danimarkës.
Megjithatë postimi i publikuar nga Nagavci me flamurin e Danimarkës është fshirë dhe është publikuar i riu me flamurin austriak.
I had the pleasure to meet my Austrian counterpart, Federal Minister Heinz Faßmann. We exchanged our thoughts on the importance of reforms in higher education, and agreed to continue cooperation between ??and??at all levels of education. pic.twitter.com/x21S28m4dV
— Arbërie Nagavci (@arberienagavci) September 23, 2021
“Pata kënaqësinë të takohem me homologun austriak, ministrin Heinz Fasmann. Ne shkëmbyem qëndrimet tona për rëndësinë e reformave në arsimin e lartë dhe u pajtuam që të vazhdojmë bashkëpunimin në mes të Austrisë dhe Kosovës në të gjitha nivelet e arsimit”, ka shkruar Nagavci në llogarinë e saj në twitter.
