Anësori i Real Madridit, Vinicius Junior, do të jetë kapiten i Brazilit në miqësoren kundër Spanjës, raporton Globo Esporte.

Ndeshja do të luhet në Madrid në Santiago Bernabeu dhe do t’i kushtohet luftës kundër racizmit.

Të hënën, Vinicius shpërtheu në lot në një konferencë shtypi pasi u pyet për diskriminimin racor.

Anësori i Realit ka qenë edhe më herët objektiv i sulmeve raciste nga tifozët e skuadrave kundërshtare gjatë ndeshjeve në ligën spanjolle.

/GazetaBlic Sport