Vicente del Bosque konsideroi se një transferim i Kylian Mbappé nga PSG në Real Madrid në merkaton e verës së ardhshme do t’i shtojë pak më shumë cilësi skuadrës, por la paralajmërime.

“Ai është një lojtar i madh, por në këtë moment ai arrin në një ekip që po luan shumë mirë. Jam i sigurt se do të përmirësojë atë që është tashmë, por kujdes…”, ka paralajmëruar ish-trajneri i Merengues në lidhje me sulmuesin francez, duke folur për Flashscore.

“Real Madrid ka një skuadër shumë të mirë. Nuk duhet të nënvlerësojmë ata që janë këtu. Ai do të arrijë te një ekip i konsoliduar dhe i gatshëm për të luajtur, por po, nuk ka dyshim se do të shtojë edhe pak përvojën e tij”, përforcoi ai.

/GazetaBlic Sport/