Edin Dzeko po bëhet shpejt sulmuesi më i besueshëm i Interit dhe me vetëm gjashtë muaj të mbetur nga kontrata e tij aktuale, është e paqartë nëse ai do të qëndrojë me ‘Nerazzurrët’ për sezonin e ardhshëm.

Sulmuesi boshnjak iu bashkua klubit në gusht 2021 nga Roma në një marrëveshje me vlerë rreth 2.8 milionë euro.

Në sezonin e tij debutues, Dzeko shënoi 17 gola dhe dha 10 asistime në 49 paraqitje, duke qenë një anëtar i rëndësishëm i ekipit, përcjell GazetaBlic Sport.

Calciomercato.com detajon se si Dzeko refuzoi një ofertë të fundit për kontratë nga Interi, kur ata i ofruan atij një marrëveshje njëvjeçare me pagë më të ulët se sa fiton aktualisht. Edhe pse ai refuzoi ofertën, ish-lojtari i Manchester City dëshiron të qëndrojë me klubin dhe e bëri të qartë pozicionin e tij.

Dzeko informoi drejtuesit e Nerazzurrëve se do të ishte i gatshëm të nënshkruante një kontratë të re njëvjeçare me të njëjtat shifra si marrëveshja e tij aktuale dhe se do të dëshironte të shtynte bisedimet deri në fund të sezonit.

 

/GazetaBlic Sport/