Kevin-Prince Boateng ka zbuluar në detaje arsyet e marrëdhënies së tij të tensionuar dhe praktikisht inekzistente me vëllanë e tij – Jerome Boateng.

Ish-futbollisti i Milanit dhe Barcelonës foli hapur për zilinë që ndjente dhe ndjenjën se suksesi i vëllait të tij ishte i pamerituar.

Falje pa pajtim

Pavarësisht ndjenjave të rënda, Kevin-Prince zbulon se ka bërë një hap drejt pajtimit, duke e kuptuar gabimin e tij. Ai i ka kërkuar vëllait të tij falje për emocionet negative që ai kishte ndaj tij.

“Shkova t’i kërkoja falje. I thashë se nëse ndonjëherë e kam pasur zili ose kam menduar se nuk e meritonte suksesin e tij, i kërkoj falje”, tha ish-lojtari i kombëtares ganeze.

Ky gjest nuk i afroi të dy. Konflikti dhe dallimet e tyre kanë lënë qartë një gjurmë të thellë. “Pavarësisht gjithçkaje, ne ende nuk kemi një marrëdhënie”, përfundon rrëfimin e tij Kevin-Prince Boateng.

/GazetaBlic Sport/