Ka vdekur pianisti i njohur italian, fitues i Grammy, Maurizio Pollini.

Ai ndërroi jetë në moshën 82-vjeçare.

Pollini vdiq të shtunën, tha La Scala në një deklaratë.

Njoftimi nuk specifikonte shkakun e vdekjes, por Pollini ishte detyruar të anulonte një koncert në Festivalin e Salzburgut në vitin 2022 për shkak të problemeve me zemrën.

Gjatë një karriere ndërkombëtare gjashtë dekadash, repertori i Pollinit u zgjerua përtej klasikëve standardë. Ai përqafoi kryeveprat e fillimit të shekullit të 20-të nga Igor Stravinsky, Arnold Schoenberg dhe Anton Ëebern dhe modernistët e pasluftës si Karlheinz Stockhausen, Pierre Boulez dhe Luigi Nono.

La Scala e përkufizoi pianistin si “një nga muzikantët e mëdhenj të kohës sonë dhe një referencë themelore në jetën artistike të teatrit për më shumë se 50 vjet”.

Pollini konsiderohej një pianist me fuqi unike intelektuale, teknika e pakrahasueshme dhe shtysa interpretuese e të cilit i detyronin dëgjuesit të mendonin thellë.