Ka ndërruar jetë gazetari i njohur Ramiz Bala, i njohur për kontributin e tij si redaktor përgjegjës për kulturë në Radio Televizionin e Prishtinës dhe si profesor dhe shkrimtar. Ai la pas një trashëgimi të çmuar dhe një përkushtim të pashoq për profesionin dhe kulturën.

Asociacioni i Gazetarëve të Kosovës, ka shprehur ngushëllime të sinqerta për familjarët, miqtë dhe kolegët e Ramiz Balas, duke e përshkruar atë si një figurë të rëndësishme dhe frymëzuese në fushën e gazetarisë dhe kulturës.

“Asociacioni i Gazetarëve të Kosovës me pikëllim të thellë ka marrë lajmin për vdekjen e gazetarit, Ramiz Bala. Bala ka qenë redaktor përgjegjës për kulturë në Radio Televizionin e Prishtinës, si dhe profesor e shkrimtar. Asociacioni i Gazetarëve të Kosovës u shpreh ngushëllime familjarëve, miqve dhe kolegëve të gazetarit Bala”, thuhet në reagimin e AGK-së.

Kjo humbje e paparashikueshme ka lënë një boshllëk të thellë në komunitetin e gazetarëve dhe në të gjithë shoqërinë kosovare.