Raphael Varane foli për median norvegjeze TV2 në lidhje me kalimin e tij në Manchester United.
“Familja ime dhe unë u takuam me Sir Alex Ferguson para se të nënshkruanim me Real Madridin, është e vërtetë, dhe ishte një përvojë fantastike për mua. Unë u argëtova shumë në Madrid dhe mendoj se ishte e destinuar të shkoja atje. Jam i lumtur që kam kaluar dhjetë vjet të mrekullueshme. Por më duhej një sfidë e re dhe doja të luaja në Premier League. Manchester United është një klub plot histori dhe ai dëshiron të kthehet në krye: kjo sfidë më tundoi. Klubi është si një familje dhe unë jam këtu për të ndihmuar ekipin”, tha fillimisht ai.
E ardhmja e Pogba: “Është vendimi i tij, por padyshim që shpresoj se ai do të qëndrojë këtu për një kohë të gjatë. Ai është një lojtar fantastik”.
Kthimi i Cristiano Ronaldos në United: “Ai është një lojtar i jashtëzakonshëm dhe unë jam shumë i lumtur që e takoj përsëri. Ai është gjithmonë pozitiv. Pavarësisht moshës, ai është më i fortë se kurrë, falë etikës së tij të punës dhe instinktit të tij për golat”, përfundoi Varane.
/GazetaBlic Sport
