Duke shënuar golin e vetëm në finalen mes Liverpoolit dhe Chelseat për Kupën e Ligës Angleze të dielën e kaluar, Virgil van Dijk ishte një nga ata që ishin përgjegjës për fitimin e atij trofeu. Lojtari ishte aq i lumtur sa e mori kupën në shtëpi pas ndeshjes.

“Kur arritëm në aeroport, të gjithë u larguan, kështu që unë e mora trofeun në shtëpi,” tha ai për The Athletic, transmeton GazetaBlic Sport.

“Unë u kujdesa për të. Doja t’ua tregoja personalisht katër fëmijëve të mi dhe ata u gëzuan shumë që e panë”, tha holandezi, i cili më pas e la kupën në kuzhinë brenda natës, para se ta kthente në klub.

“Të nesërmen, e çova në stërvitje që të gjithë të mund të bënin një foto me të në AXA [ qendra stërvitore e Liverpoolit ]. E gjithë skuadra luajti rolin e vet në suksesin që patëm dhe e meritonim të mbajmë trofeun”, përfundoi Van Dijk.

/GazetaBlic Sport/