Në bulevardin “Xhorxh Bush” në kryeqytet po mbahet Universitetit Veror i Prishtinës. Ky organizim që nisi më 3 korrik do ta gjallërojë qendrën e qytetit deri më 14 të po këtij muaji.

E në kuadër të aktiviteteve që po zhvillohen bëhet thirrje që sa më shumë studentë t’i bashkëngjiten Universitetit të Prishtinës, raporton “Ju flet Prishtina”.

Aktivitetet janë të përditshme e po mbahen për herë të parë edhe në këtë hapësirë, krahas atyre që zakonisht zhvillohen në ambientet e Universitetit.

Në kuadër të openUP funksionojnë 14 kurse derisa agjenda e ngjarjeve bëhet publike në baza ditore.

Për argëtimin e të pranishmëve nuk mungoi as muzika nga studentë të UP-së.