Ministri i Jashtëm i Ukrainës, Dmytro Kuleba, i është përgjigjur lajmit se Rusia është pezulluar nga Këshilli i OKB-së për të Drejtat e Njeriut.

Ai i ka falënderuar shtetet që votuan pro suspendimit të Kremlinit.

“Kriminelët e luftës nuk kanë vend në organet e OKB-së, që synojnë mbrojtjen e të drejtave të njeriut. Falënderoj të gjitha shtetet anëtare që mbështetën rezolutën përkatëse të OKB-së dhe zgjodhën anën e duhur të historisë”, ka thënë Kuleba, shkruan BBC.