Sipas matjeve të fundit të opinionit publik nga kompania “UBO Consulting” partitë politike në Kosovë kanë ruajtur pozitat e tyre.
Lëvizja Vetëvendosje vazhdon të jetë në epërsi kundrejt partive opozitare.
Sipas këtij sondazhi, nëse zgjedhjet mbaheshin tani, Lëvizja Vetëvendosje do të ishte në kuotën e 49.6%, në vendin e dytë Partia Demokratike e Kosovës (PDK ) me 17%, në vendin e tretë Lidhja Demokratike e Kosovës me 15.5% dhe në fund AAK-NISMA me 8.6 % duke shënuar rritje nga matjet e fundit të publikuara.
Në lidhje me këtë sondazh është deklaruar për “Gazeta Blic”, njohësi i zhvillimeve politike, Fidan Ukaj.
“Nuk mendoj se VV-ja mund të ketë nje perqindje aq të madhe siç po e nxjerrin sondazhet, por se mendoj se do jetë parti e parë”
“Do të jetë me një perqindje larg asaj që ka marr në zgjedhjet e fundit nacionale” deklaroi Ukaj për “Gazeta Blic”
Fidan Ukaj, Analist!
Lista GUXO ka shënuar një rritje të lehtë nga 0.6 në mars në 0.7 për qind në qrshor, bazuar matjet e “UBO Consulting”
Partia Social Demokrate nga ana tjetër ka grumbulluar vetëm 0.4 për qind të mbështetjes.
Sipas sondazhit, Lista Serbe më vetëm 3 për qind të mbështetjes, rezulton se ka shënuar rënie krahasuar me matjet e muajit mars.
/Gazeta Blic/