Selia qendrore e futbollit botëror, UEFA, njoftoi dënimet për kapitenin e Real Madridit, Dani Carvajal, dhe trajnerin e Atletico Madridit, Diego Simeone, të cilët morën kartonë të kuq në ndeshjet e ekipeve të tyre nga raundi i parë i fazës kryesore të Ligës së Kampionëve.

Carvajal u pezullua me dy ndeshje për “goditje ndaj një lojtari kundërshtar”. Kundër Olympique Marseille, Carvajal goditi me kokë portierin e Marseille, Jeronimo Rui.

Kështu, mbrojtësi i djathtë do të humbasë ndeshjen e sotme jashtë fushe kundër Kairat dhe ndeshjen në shtëpi kundër Juventusit në raundin tjetër më 22 tetor.

Sa i përket Simeones, ai është pezulluar për ndeshjen e Atleticos në shtëpi kundër Eintracht Frankfurt sot për “sjelljen e tij josportive” në humbjen 3-2 ndaj Liverpoolit në Anfield.

Ai pështyu mbi një tifoz të Liverpoolit në fund të ndeshjes, por do të vuajë dënimin e zakonshëm të kartonit të kuq.

/GazetaBlic Sport/