Gazetari Vehbi Kajtazi, gjatë të enjtes ka shpërthyer me gjuhë të ashpër ndaj drejtorit të Institutit për Afirmimin e Mardhënieve Ndëretnike, Fatmir Sheholli.
Kajtazi thotë se Sheholli është zyrtar i UDB-së dhe se i njëjti ka përhapur fjalë e propagandë, veçanarisht në kabinetin e Vjosa Osmanit se mediat në Kosovë financohen nga Serbia.
“Zyrtari i UDB-se, Fatmir Sheholli – i biri i Maliq Shehollit – i vrare nga Ushtria Çlirimtate e Kosoves per shkak te bashkepunimit me regjimin e Millosheviqit, ka perhapur fjale e propagande, veçanerisht ne kabinetin e Vjosa Osmanit se mediat ne Kosove financohen nga Serbia. Kete propagande e ka theksu per mediat kritike te pushtetit”, shkruan Kajtazi në ragimin e tij.
Kajtazi e ka ftuar Shehollin, duke iu referuar të njëjtit si zyrtar i shërbimit serb, AKI-në, bashkëshortin e presidentes Vjosa Osmani, Prindon Sadriun, që t’i publikojnë të gjitha dëshmitë për financimin e mediave të Kosovës nga Serbia, përfshirë edhe atë si gazetar dhe median që ka në pronësi.
“E ftoj kete zyrtar te sherbimit serb, AKI-ne, Prindon Sadriun etj, qe t’i publikojne te gjitha deshmite per financimin e mediave te Kosoves nga Serbia – perfshire Paparacin dhe mua si gazetar.Legena!” shkruan Kajtazi raporton Gazeta Blic.
Nuk ka vonuar shumë dhe ka ardhur kundërpërgjigja e Shehollit përmes rrjetit social Facebook.
Sheholli në reagimin e tij ka thënë se ata që shpifin dhe gravitojn në frekuenca të gënjeshtrave janë njerës që siç thotë një proverbë popullor “e kanë mizën pas veshit”
“Demokracia nuk i duron insinuatat dhe shpifjet! Ata që shpifin dhe gravitojn në frekuenca të gënjeshtrave janë njerzë që siç thotë një proverbë popullor ” e kanë mizën pas veshit”! Një respekt i veçant për mediat që kritikojn pushtetin dhe janë barometër i demokracis” shkruan Sheholli në reagimin e tij.
Kujtojmë se kjo nuk është përplasja e parë mes gazetarit Vehbi Kajtazi dhe drejtorit të Institutit për afirmimin e mardhënjeve ndëretnike, Fatmir Sheholli.
Një vit më parë gazetari Kajtazi e pati cilësuar Shehollin pjesëtarë të UDB-së dhe se të njëjtit, ja ka vrarë babain UÇK-ja, fakt të cilin ai nuk e përmend kurrë.
Pjesetari i UDB-se, Fatmir Sheholli vazhdon te jape mendime te vlefshme per t’u cituar nga mediat. Boll mire! Ai nuk e permend kurre baben e tij, Maliq Sheholli te cilin ia vrau UÇK-ja, e as mediat nuk ia kujtojne kete fakt.
— Vehbi Kajtazi (@vehbikajtazi) November 22, 2022
