Dogana e Kosovës ka njoftuar se njësitet e Doganës së Kosovës, me qëllim të luftimit të kontrabandës dhe parandalimin e veprimtarive ilegale kanë organizuar ndalesa rrugore në Prishtinë.

Gjatë kontrolleve është ndaluar një veturë e dyshimtë me targa të huaja dhe pas verifikimit fillestar ka rezultuar se kjo veturë është lajmëruar si e vjedhur në një shtet evropian.

“Më pastaj në bashkepunim në Policinë e Kosovës është vërtetuar se kjo veturë është e lajmeruar si e vjedhur dhe kërkohet nga organet e drejtësisë. Rasti i është dorëzuar Policisë se Kosovës për trajtim të mëtejshëm”, thuhet nga Dogana e Kosovës.

“Dogana e Kosovës në bashkëpunim me autoritetet kompetente do të vazhdojë të ushtroj kontrolla në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”.