Pavard po dëshiron të largohet nga Bayern dhe të vazhdojë karrierën e tij në Inter. Mbrojtësi francez dëshiron të largohet dhe klubet kanë rënë dakord për një kompensim prej 30 milionë eurosh. Megjithatë, transferimi nuk është kompletuar sepse klubi i Mynihut fillimisht duhet të gjejë një zëvendësues në krahun e djathtë,

Mediat gjermane shkruajnë se Pavard dhe Inter janë të frustruar me situatën aktuale. Të gjithë duhet të presin që Bayerni të gjejë një mbrojtës të ri, ndërkohë që Pavard po stërvitet me pjesën tjetër të skuadrës në të njëjtën kohë. Klubi i Interit thuhet se do të presë deri të hënën ose të martën përpara se të kthehet në opsione të tjera, që do të thotë se transferimi i Pavard gjithashtu mund të dështojë.

Në sezonin e përfunduar së fundmi, në të cilin Bayern fitoi Bundesligën pavarësisht shumë problemeve, Pavard bëri 43 paraqitje, duke shënuar shtatë gola dhe duke dhënë një asistim. Ai mbërriti në Bayern në korrik 2019 nga Shtutgarti për 35 milionë euro dhe gjatë karrierës së tij ai luajti edhe për skuadrën franceze Lille.

/GazetaBlic Sport