Tyson Fury pranoi se do të ndihet “i mërzitur dhe i vetmuar” kur të përfundojë karrierën në boks, sepse asgjë tjetër nuk krahasohet me kënaqësinë që ofron sporti.

Përpara mbrojtjes së titullit të tij në peshën e rëndë WBC kundër Deontay Wilder në Las Vegas këtë fundjavë, Fury u pyet për motivimin e tij për të vazhduar me sportin e boksit edhe pas këtij meçi, përcjell GazetaBlic Sport.

“Unë nuk luftoj për të qenë më i madhi i të gjitha kohërave, nuk po luftoj për të qenë një legjendë,” tha ai për BBC Radio Five Live.

“Nuk keni nevojë të jeni të pasur për të jetuar jetën time. Unë jam thjesht një person normal që është shumë i mirë në boks dhe një person shumë i veçantë.

“Unë jam duke boksuar sepse mundem – nuk më pëlqen asgjë tjetër, nuk kam ndonjë hobi. Pas boksit, do të jem një person shumë i trishtuar, i vetmuar. Asgjë tjetër nuk më kënaq”, përfundoi Fury.

/GazetaBlic Sport