Bayern Munichi ka hyrë në një krizë rezultatesh. Gjiganti gjerman ka regjistruar sonte humbjen e dytë rresht në Bundesligë dhe të tretën duke përfshirë edhe atë ndaj Lazios në Ligën e Kampionëve.
“Bavarezët” sonte pësuan humbje në udhëtim ndaj Bochumit, në ndeshjen e vlefshme për javën e 22-të.
Pavarësisht rezultateve dhe raportimeve që po rritet presioni ndaj Thomas Tuchelit, ai nuk pritet që të largohet nga “Allianz Arena”.
Gazetari i njohur gjerman, Florian Plettenberg, ka bërë të ditur se 50-vjeçari nuk do të shkarkohet e as nuk do të jep dorëheqje.
“Konfirmohet sërish: Ai do të mbetet patjetër trajner i FC Bayern dhe nuk do të shkarkohet. Tuchel gjithashtu nuk po mendon të japë dorëheqjen. Ai dëshiron të vazhdojë të luftojë!”, shkroi ai.
?? News #Tuchel:
➡️ Confirmed again: He will definitely remain as the coach of FC Bayern and will not be dismissed ✔️
➡️ Tuchel is also not considering resigning. He wants to keep fighting! @SkySportDE ?? pic.twitter.com/JNAH6RLaMk
— Florian Plettenberg (@Plettigoal) February 18, 2024
