Thomas Tuchel, trajneri i Chelsea, justifikoi mungesën e golave të Romelu Lukaku, i cili ka grumbulluar gjashtë ndeshje pa shënuar, duke aluduar në mbingarkesën e lojërave të lojtarit belg.

“Sipas mendimit tim, unë mendoj se Lukaku ka luajtur shumë. Ai ka luajtur shumë ndeshje gjatë verës dhe tani ai vjen nga Liga e Kombeve,” shpjegoi Tuchel në një konferencë shtypi para ndeshjes kundër Malmos.

“Ai është një lojtar fantastik dhe një konkurrent i madh. Ai dëshiron të fitojë gjithçka dhe donte një rezultat të mirë si në Europian ashtu edhe në Ligën e Kombeve. Do të thotë shumë për të që të luajë për vendin e tij, kështu që ai e merr atë shumë seriozisht”, shtoi ai.

“Ai gjithashtu mund të jetë mendërisht pak i lodhur, jo aq sa ne jemi të shqetësuar. Ai do të gjejë ritmin e tij kur gjërat të shkojnë më mirë,” shtoi gjermani.

Lukaku, i cili erdhi në Chelsea këtë sezon nga Interi, filloi sezonin shumë mirë, me katër gola në katër ndeshjet e tij të para, por tani ka grumbulluar gjashtë takime pa realizuar.

/GazetaBlic Sport