Tubimi i LDK në Viti, Abdixhiku: Besoj në potencialin që ka ky vend i bekuar me njerëz të shkëlqyeshëm

Lideri i LDK’së, Lumir Abdixhiku ka njoftuar se kanë vazhduar sot me ‘Turneun e Ndryshimit’ në Viti.

Abdixhiku tha se kryetari i Vitisë, Sokol Haliti do të jetë pjesë e listës për deputetë sepse në zgjedhjet e 9 shkurtit, LDK hyn me ekipin më të mirë të vet!.

Ai njoftoi se nesër do të jenë në Pejë për të vazhduar me ‘Turneun e Ndryshimit’.

Postimi i plotë:

Me Turneun e Ndryshimit vazhduam sonte në Viti! Aty, me Kryetarin Sokol Haliti, takuam shumë qytetarë të Vitisë që po bëheshin vet ndryshimi! Po bëheshin vet shpresa e një shteti tek i cili besojmë fort! I lumtur dhe plot shpresë me entuziazmin e madh që nisi dje në Prishtinë e vazhdoj sot në Viti.

Sokol Haliti do të jetë pjesë e listës për deputet; sepse në zgjedhjet e 9 shkurtit, LDK hyn me ekipin më të mirë të vet!

Unë besoj në shtetin e Kosovës dhe potencialin e jashtëzakonshëm që ky vend i bekuar me njerëz të shkëlqyeshëm ka! Dhe vizioni im nuk ka të bëjë vetëm me një Kosovë të suksesshme, por me qytetarë të suksesshëm në një Kosovë që ecë mbare!

Njerëz që mund t’i ndjekin ëndrrat e tyre, të jetojnë me dinjitet, të jetojnë drejtë, të ndërtojnë të ardhmen e tyre mu këtu, në shtëpitë e tyre, tek familjet e tyre, në qytetet e fshatrat e tyre!

Dua ta shoh Kosovën jo si të fundit në rajon, por si një vend krenar prijetar mes të tjerëve përreth, si një shtet ku mirëqenia, mundësia e uniteti nacional janë pjesë e përditshmërisë sonë! Shihemi nesër në Pejë!

BËHU NDRYSHIMI!