Ish-presidenti i Shteteve të Bashkuara të Amerikës, Donald Trump ka mbajtur fjalën e tij jashtë gjykatës pas seancës së sotme kundër tij.

“Ky është një rast që askush nuk ka dashur ta sjellë”, pohon ai, sipas mediave të huaja.

Është një “rast i mbajtjes së kontabilitetit, që është një gjë shumë e vogël në aspektin ligjor”, thotë ai.

“Ky është një rast kur ju paguani një avokat, ai është avokat dhe e quajnë shpenzim ligjor, pikërisht ky është termi që përdorin, shpenzim ligjor”, tha Trump.

“Unë jam kandidati kryesor, po mposht Bidenin, po mposht republikanët tani, unë kam nominimin dhe kjo është ajo për të cilën ata përpiqen të më heqin nga gjurma e fushatës”, tha ai më tej.

Trump tha se në momentin që ai duhet të ishte në shtete të ndryshme të SHBA-ve për të bërë fushatë, ndodhet në gjyq dhe kjo sipas tij do të vazhdojë ta pengojë për një kohë të gjatë.

“Unë duhet të jem në Giorgia tani, duhet të jem në Florida tani, duhet të jem në shumë vende të ndryshme tani për të bërë fushatë dhe jam ulur këtu dhe kjo do të vazhdojë për një kohë të gjatë”, shtoi Trump.

“Është shumë e padrejtë dhe gjyqtari është në konflikt siç e dini. Është shumë e padrejtë ajo që po ndodh dhe unë duhet të lejohem të bëj fushatë”, përfundoi Trump.