Simone Inzaghi rrëfeu se Interi duhej ta kishte kontrolluar shumë më mirë situatën kur kryesonte 2-0 në humbjen 2-3 të Superkupës së Italisë ndaj Milanit.

“Para së gjithash duhet ta urojmë Milanin, sepse ata kurrë nuk u dorëzuan pavarësisht se ishin dy gola më pak”, tha Inzaghi për Sport Mediaset.

“Është një humbje e dhimbshme, por ka pasur humbje të dhimbshme gjatë këtyre viteve dhe skuadra është ngritur gjithmonë në këmbë. Ne shkojmë në shtëpi për të shëruar plagët tona, kemi disa lëndime të reja për t’u përballur, por kemi gjashtë ndeshje në 18 ditë, kështu që duhet të kthehemi menjëherë në rrugën e duhur.”

“Ne shkojmë në shtëpi me zhgënjim të jashtëzakonshëm, dhamë gjithçka kishim, por qartë në 2-0 duhet ta kishim kontrolluar situatën shumë më mirë”, përfundoi ai.

/GazetaBlic Sport