Lideri i Serie A, Napoli, do të jetë agresiv dhe do të kundërsulmojë me intensitet të jashtëzakonshëm në ndeshjen e parë të 1/16 të Ligës së Kampionëve me Eintracht Frankfurt, tha trajneri Oliver Glasner.

Napoli fitoi pesë nga gjashtë ndeshjet e fazës së grupeve të Champions League për të përfunduar si fitues të grupeve përpara Liverpoolit, përcjell GazetaBlic Sport.

Ata janë 15 pikë përpara në krye të Serie A dhe kanë fituar shtatë ndeshje radhazi në ligë, duke shënuar të paktën dy gola në secilën prej këtyre fitoreve.

“Qëllimi ynë është i qartë: të avancojmë. Të dy klubet kanë anët e mira dhe të qëndrueshme,” tha Glasner, trajneri i Frankfurt në konferencë,.

“Napoli nuk luan si një skuadër italiane. Ata luajnë me intensitetin më të madh në një farë mase, janë agresivë pa top dhe kundërsulmojnë me intensitet të jashtëzakonshëm. Ne jemi të vetëdijshëm për këtë dhe jemi përgatitur për këtë”, përfundoi ai.

/GazetaBlic Sport