Sporti

Tifozët e PSG-së e vërshëllyen mbrëmë Mbappen, pakënaqësi ndaj yllit francez

08/15/2021 08:53
nga:E K

Tifozët e klubit francez, Paris Saint-Germain, padyshim që nuk e duan më Kylian Mbappe dhe kanë protestuar kundër tij të shtunën në mbrëmje.

PSG luajti kundër Strasbourgut në ndeshjen e javës së dytë të sezonit 2021/22 në Ligue 1, ku fitoi me rezultat 4-2.

Para ndeshjes, drejtuesit e klubit kryeqytetas prezantuan top pesë blerjet e reja të verës, të prirura nga Lionel Messi.

Megjithatë, në leximin e emrave të lojtarëve të formacionit titullar gjithçka nuk shkoi mirë.

E gjithë tribuna pas golit ku qëndrojnë tifozët e PSG-së e vërshëllyen yllin francez, Mbappe.

Kur folësi lexoi emrin e tij, të gjithë fishkëllenin dhe treguan pakënaqësi, pasi Mbappe ka refuzuar deri tani të rinovojë kontratën.

Lajme tjera